Hazrat Mohammad (S.A.W) ki wafat (Death) ka waqat jab nazdeek aaya tu iss waqat App (S.A.W) ko shadeed bukhar tha. Hazrat Mohammad (S.A.W) ne Hazrat Bilal (R.A) ko hukam diya k Madine main Alan kar dain k jis kisi ka haq mujh par ho wo Masjid-e-Nabwi main aaa kar apna haq le le. MAdine k logoon ne yeah elan (Announcement) suuna tu un ki ankhon main ansu aa ge aur madine main kohram mach geya. Sare loog Masjid-e-Nabwi main jama ho ge. Sahaba-e-karam (R.A) ki ankhon main ansu aa ge the aur dil bechain tha.
Phir Hazrat Mohammad (S.A.W) tashreef laye. App (S.A.W) ko iss kadar tez bukhar tha k app k chehra mubarik surkh (red) howa ja raha tha. Hazrat Mohammad (S.A.W) aee mere sathiyo (friends)! Tumhara agar mujh par koi hak (Right) baki ho tu mujh se ajj hi le lo. Main nahi chahta k main apne Rab se Qayamat me iss hal main milu k kisi shaks ka hak mujh par baki ho. Ye Sun kar Shaba-e-Karam (R.A) ka dil tarap utha. Masjid-e-Nabwi main ansuwon ka ek silab (Tears Flood) beh utha. Sahaba roo rehe the lakin zuban khamosh the k ab humare AQA (S.A.W) humara sath chor k ja rehe hain.
Apne Shaba-e-Karam (R.A) ki ye halat dakh kar farmaya. "Aeee logo har jandar ko moat ka maza (TAste) chakhna ha." Main jis maksad (mission) k liye iss duniya main aaya tha wo pura ho geya ha. Hum loog kal Qayamat main mile gain. Ek Sahaba uth khare howe aur rawayton main in ka naam AKASHA aata ha.
Arz kiya "YA RASOOL ALLAH (S.A.W) mere haq App (S.A.W) par baki ha, jab App (S.A.W) Jang Ohad (Battle Ohad) k liye tarshreef la rehe the, tu app ka kora meri peth (Back) par lag geya. Main iss ka badla chahta hu. Sun kar Hazrat Umer (R.A) khare ho ge aur bole k tum Hazrat Mohammad (S.A.W) se badla chahte ho? kya tum dakhte nahi k Hazrat Mohammad (S.A.W) bemar hain. Agar badla lena hi chahte ho tu mujhe kora mar lo. Lakin Hazrat Mohammad (S.A.W) se badla na lo
Ya sun kar Hazrat Mohammad (S.A.W) ne farmaya. "Aeee Umer use badla lene do iss ka hak ha. Agar main ne iss ka haq ada na kiya tu Allah ki bargah main kya moo dikhao ga. Iss liye mujhe iss ka hak ada karne do. App ne kora magwaya aur Hazrat AKASHA ko diya aur kaha k tum mujhe kora mar k apna badla le lo. Sahaba ye manzar dakh kar betahasha (Extremely) ro rehe the.
Hazrat AKASHA ne kaha aee Allah k RASOOL (S.A.W) meri nangi peth (Back) par app ka kora laga tha. Yeah sun kar Hazrat Mohammad (S.A.W) ne apna kura (Shirt) utar diya aur kaha ye lo tum meri peth (Back) par kora mar lo.
Hazrat AKASHA (R.A) ne jab App (S.A.W) ki peth mubarik ko dakh tu foran kora chor kar App (S.A.W) ki peth mubarik ko choom liya aur kaha YA RASOOL ALLAH mere maa baap APP (S.A.W) par qurban (Sacrifice). Meri kya majal k main APP (S.A.W) ko kora maru, main maafi chahta tha k App (S.A.W) ki mubarik peth par lagi mohar nabuwat (Stamp) ko choom kar jannat ka haqdar ban jyo.
Ye sun kar Hazrat Mohammad (S.A.W) mukuraye (Smile) aur bola k tum ne jannat wajib(due) kar li.
