Maroof mazhabi scholar molana Tariq Jameel ne apne aik khususi bayan mein kaha hai ke Hazrat Aisha (R.A) ne farmaya hai ke Aap (S.A.W) itnay Haseen thay ke Hazrat Yousuf (A.S) ko dekh kar to aurton ne haath kaat liye thay. Agar woh aap ko dekh litin to apne seenay cheer litin.
Molana tariq Jameel ne kaha ke aik budu aurat ne aap ka huliya bayan kya tha ke "mein ne aik jawan dekha, yun laga ke jaisay chaand zameen par utar aaya ho, na hi pait agay nikla howa. Haseen o Jameel , jitna daikhon, itna dekhnay ka shoq barhta jaye, bolay too noor chhaa jaye, chup hoon to Waqar chhaa jaye, lambi siyah ghani zulfein, palken daraaz, aankhon mein kashish, aawaz mein jadu, garden suraahi daar, daarhi barri khobsorat, hont jaisay ghulaab ki pankhari, daant aisay ke noor nikalta dikhayi deta tha, kushadah peshani, bhanwain gole, naak khari hui".
